其实我对争辩什么政治问题没有多大兴趣， 个人喜欢的是这类社会小市民的小日子， 尤其用上海话到来， 十分的开心。

老里巴早， 邮局门口， 总有咯样的人， 摆只台子还可以讲是摊头， 代人写信， 旧社会勿识字的人勿少， 比方从太仓浏河到上海做奶妈， 广东潮州来上海做“大脚娘姨"的客家女人， 屋里人还在乡下， 过段辰光总归要写封信回去， 报报平安， 问问情况， 自家勿会写， 社会的需要就有行业的产生， ”代客书信“就出来了。侬讲伊写， 写好读给侬听听， 事体清爽伐？ 还有啥忘记特？ 好了， 格末给点钞票。下趟回信来个辰光，侬拿来， 阿拉就免费读给你听， 迭个是大家有数有末个规矩。

看西洋镜， 一两只铜板， 眼乌子对准洞洞眼， 老板拉拉， 片子里箱走走， 迭戈是简单事体， 做迭种生意的人的本事， 是又说又唱， 勿晓得中国哪儿的人做迭种生意个比较多， 阿拉老早楼下有个老头， 阿拉夜单位传达室看门老头， 河北大名人， 做过伪警察甚至当过汪精卫和平军， 文化大革命辰光我帮伊写过坦白交代认罪书， 伊就会搭唱， 不过内容下里下作个，

比方

”往里那个瞧唻， 往里那个看唻， 你看那“， 此地就有两个版本了， 一种是"大姑娘洗澡多好看”， 另外一种洁本“大姑娘跳舞真好看”。 迭只老梆， 字勿识几个， 迭种下三教九流晓得来是勿少， 旧社会江湖上混的， 本人有幸， 听得还勿少。

剃头摊， 进剃头店， 价格肯定贵些， 哪怕只贵几只铜板， 还是相当于一顿早饭呀， 所以弄堂口啥地方， 剃头师傅挑只担子， 一头有煤球炉子， 一头一只面盆架子，小辰光感兴趣的是面盆架子上头伊条帆布， 磨刮胡子刀的， 一前一后两面板板光几记， 然后就像三毛学生意里厢讲的“挺胸吸肚， 不慌不忙， 上去就是一刀”。